Նստակյաց աշխատանքի վտանգները

Համակարգիչն ու հեռուստացույցը  անխուսափելիորեն հանգեցնում են նրան, որ մարդիկ օրական 9 ժամ եւ ավելի անց են կացնում նստած վիճակում: Նման եզրակացության են հանգել գիտնականները:

Վերջին հետազոտությունների հիման վրա պարզ է դարձել, որ ժամանակի նման վատնումը 40 անգամ մեծացնում է մահվան հավանականությունը մոտակա 15 տարվա ընթացքում:

Բանն այն է, որ նստած վիճակում մարդը էներգիա գրեթե չի ծախսում, հաղորդում է «ԵվրոՍՄԻ»-ն:

Այդ կերպ օրգանիզմում կալորիաներ են կուտակվում: Նույնիսկ երկու ժամ նստած վիճակում անցկացնելը 20 տոկոսով ավելացնում է խոլեսթերինի պարունակությունը, ինչպես նաեւ կտրուկ ավելանում է շաքարային դիաբետի առաջացման հավանականությունը:

Բացի այդ, 67 տոկոս է կազմում սրտային հիվանդությունների ռիսկն այն անձանց մոտ, ովքեր ամեն օր ժամանակն անց են կացնում հեռուստացույցի առաջ:

Հարցեր, պատասխաններ, մեկնաբանություններ